"Manchester Yunayted" himoyachisi Aleks Telles faoliyatini Ispaniyada davom ettiradi.

Futbolchi faoliyatini “Sevilya” klubida davom ettirishga yaqin turibdi. 29 yoshli braziliyalik futbolchining Ispaniya aeroportidan tushgan suratlari "Tvitter"da e’lon qilindi.

Taxminlarga ko‘ra, Telles 2022/23 yilgi mavsumni "Sevilya"da o‘tkazadi, ispan klubi futbolchini keyinchalik sotib olish huquqiga ega emas.

Telles o‘tgan mavsumda "Manchester Yunayted" tarkibida 26 ta o‘yinda maydonga tushib, 1 ta gol urdi va 4 ta golli uzatmaga mualliflik qilgan.

Transfermarkt portali futbolchining narxini 18 million yevroga baholamoqda.