"Тоттенхэм" бош мураббийи Антонио Конте Англия премьер-лигасининг янги мавсуми бошланиши арафасида ўтказилган матбуот анжуманида ўз фикрларини билдириб ўтди.
“Мен ҳалол одамларни яхши кўраман. Агар сиз менга бир нарсани айтсангиз, мени ҳурмат қилишингиз керак.
Аввалига бир гапни айтиб, мавсум ўтгач фикрини ўзгартириб юборадиганларни ёқтирмайман. Агар менга ёлғон гапира олсангиз, мен билан ишингиз юришмайди. Мен ёлғон ва ёлғончиларни ёмон кўраман», - дея Антонио Контенинг сўзларини келтиради Football.London.
Эслатиб ўтамиз, 2021 йилда италиялик мутахассис "Интер" бош мураббийи сифатида А Серия ғолиби бўлганди. Мавсум тугаганидан икки ҳафта ўтиб Антонио Конте клуб билан шартномасини бекор қилди. Бу эса бевосита раҳбарият ва у ўртасидаги келишувнинг қўпол тарзда бузилганини англатади.