"Tottenxem" bosh murabbiyi Antonio Konte Angliya premyer-ligasining yangi mavsumi boshlanishi arafasida o‘tkazilgan matbuot anjumanida o‘z fikrlarini bildirib o‘tdi.
“Men halol odamlarni yaxshi ko‘raman. Agar siz menga bir narsani aytsangiz, meni hurmat qilishingiz kerak.
Avvaliga bir gapni aytib, mavsum o‘tgach fikrini o‘zgartirib yuboradiganlarni yoqtirmayman. Agar menga yolg‘on gapira olsangiz, men bilan ishingiz yurishmaydi. Men yolg‘on va yolg‘onchilarni yomon ko‘raman», - deya Antonio Kontening so‘zlarini keltiradi Football.London.
Eslatib o‘tamiz, 2021 yilda italiyalik mutaxassis "Inter" bosh murabbiyi sifatida A Seriya g‘olibi bo‘lgandi. Mavsum tugaganidan ikki hafta o‘tib Antonio Konte klub bilan shartnomasini bekor qildi. Bu esa bevosita rahbariyat va u o‘rtasidagi kelishuvning qo‘pol tarzda buzilganini anglatadi.