"Манчестер Юнайтед" ҳужумчиси Энтони Марсьяль тиззасидан олган жароҳат туфайли мавсум бошини ўтказиб юборади, деб хабар беради The Athletic.
Манба берган хабарга кўра, манкунианликлар клуби 26 ёшли франциялик футболчининг Англия премер-лигаси (АПЛ) 2-тури доирасидаги "Брентфорд"га қарши ўйинда жароҳатидан фориғ бўлишига умид қилмоқда.
Эслатиб ўтамиз, ҳужумчи "Атлетико Мадрид"га қарши ўртоқлик учрашувида (0:1) жароҳат олган эди.
Олдинроқ “қизил иблислар” бош мураббийи Эрик тен Хаг Марсьялни асосий таркиб футболчиси сифатида кўраётгани ҳақида хабар берилганди.
7 август, якшанба куни “Манчестер Юнайтед” АПЛ 1-тури доирасида “Брайтон” билан ўйнайди. Учрашув Манчестердаги "Олд Траффорд" стадионида бўлиб ўтади. Ўйин Тошкент вақти билан соат 18.00да бошланади.