"Manchester Yunayted" hujumchisi Entoni Marsyal tizzasidan olgan jarohat tufayli mavsum boshini o‘tkazib yuboradi, deb xabar beradi The Athletic.
Manba bergan xabarga ko‘ra, mankunianliklar klubi 26 yoshli fransiyalik futbolchining Angliya premer-ligasi (APL) 2-turi doirasidagi "Brentford"ga qarshi o‘yinda jarohatidan forig‘ bo‘lishiga umid qilmoqda.
Eslatib o‘tamiz, hujumchi "Atletiko Madrid"ga qarshi o‘rtoqlik uchrashuvida (0:1) jarohat olgan edi.
Oldinroq “qizil iblislar” bosh murabbiyi Erik ten Xag Marsyalni asosiy tarkib futbolchisi sifatida ko‘rayotgani haqida xabar berilgandi.
7 avgust, yakshanba kuni “Manchester Yunayted” APL 1-turi doirasida “Brayton” bilan o‘ynaydi. Uchrashuv Manchesterdagi "Old Trafford" stadionida bo‘lib o‘tadi. O‘yin Toshkent vaqti bilan soat 18.00da boshlanadi.













