"Сент-Этьен" ярим ҳимоячиси Денис Буанга фаолиятини "Лос-Анжелес Гэлакси" сафида давом эттиради, дея хабар берди L'Equipe.
Манбага кўра, МЛС клуби 27 ёшли габонлик учун 5 миллион евро тўлайди. Футболчи билан шартнома 3 йилга имзоланади.
Қайд этилишича, янги жамоада Буанга янги келган юлдузлар Гарет Бэйл ва Жоржио Кьеллинидан ҳам кўпроқ маош олади.
Ўтган мавсум якунларига кўра, “Сент-Этьен” Франция олий дивизионидан тушиб кетди.
Буанга 37 учрашувда майдонга тушиб, 9 гол ва 6 голли узатмага муаллифлик қилган. 2022/23 йилги мавсумнинг биринчи даврасида габонлик ярим ҳимоячи голли узатмани амалга оширди ва қизил карточка олди.