"Бавария" ҳужумчиси Садио Мане "Ливерпуль" билан юзага келиши мумкин бўлган қарама-қаршилик ҳақида гапирди.

"Аввал "Бавария" дарвозасига урган гол менинг энг севимли голим эканлигини айтгандим, аммо ҳозир бундай эмас, уни иккинчи энг севимли голим деб атаган бўлардим. Албатта, бу яхши гол ва яхши ўйин бўлганди. Бироқ, энди у давр тугади. Агар биз яна учрашадиган бўлсак, албатта, "Бавария" "Ливерпуль"ни мағлуб этади", - дея Маненинг сўзларини келтиради Mirror.

Эслатиб ўтамиз, Мане ёзги трансфер ойнасида "Ливерпуль"дан "Бавария"га ўтган эди. Футболчининг немис клуби билан шартномаси 2025 йилгача мўлжалланган.