Мюнхеннинг “Бавария” клуби ҳужумчиси Томас Мюллер Германия чемпионатининг янги мавсуми бошланишидан олдинги фикрлари билан ўртоқлашди.
"Мавсум бошланишини интиқлик билан кутяпман. Биринчи турда "Айнтрахт" билан ўйнаймиз. Стадион ақл бовар қилмайдиган муҳитга эга бўлади. Бу мавсумда биз кетма-кет 11-чемпионликни қўлга киритишимиз мумкин. "Бавария" Бундеслигадаги шаштини пасайтирмоқчи эмас, бу биз учун муҳим", - дея ҳужумчининг сўзларидан иқтибос келтиради клуб матбуот хизмати.
Мюллер ўтган мавсумда "Бавария" сафида барча мусобақаларда 45 та ўйинда майдонга тушди. Томас 13 та гол урди ва 25 та голли узатмани амалга оширди.
