Испания матбуотининг хабар беришича, "Барселона" Пьер-Эмерик Обамеянг билан хайрлашмоқчи эмас. Аввалроқ, ОАВда Лондоннинг "Челси" клуби ҳужумчи билан шартнома имзолаш истаги борлиги ҳақида маълумотлар пайдо бўлганди.
Манбанинг қайд этишича, Обамеянг Хавининг режаларига киритилган, шунинг учун «кўк-анорранглилар» футболчини сотиш имкониятини кўриб чиқмайди. Обамеянгнинг каталонияликлар билан шартномаси 2025 йилнинг ёзида якунига етади. Футболчининг трансфери 15 миллион еврога баҳоланмоқда.
Ўтган мавсумда Обамеянг 38 та ўйинда иштирок этган (31 январгача футболчи "Арсенал"да ўйнаган). Ҳужумчи 20 та гол (шундан 11 таси Ла Лигада) урган ва 3 та голли узатмани ҳам амалга оширди.
