Россия Футбол Иттифоқи раҳбари Сергей Фурсенко Россия терма жамоасининг Евро-2012 даги иштироки бўйича ўз хулосаларини баён қилди. Эслатиб ўтамиз, сўнгги турда Дик Адвокаат шогирдлари Греция терма жамоасига минимал ҳисобда ютқазиб, плей-оффга чиқолмай қолиб кетди.
"Мағлубиятсиз ғалаба бўлмайди. Натижа ўйинга ярашмади, лекин ҳисоб таблода порлаб турибди. Греклар бутун ўйин давомида ҳимояланишди. Ҳимоявий тактика қўллаган жамоага нисбатан ўйинаш жуда қийин. Бироқ бу жамоамизни қўмишга эрта. Ҳали йигитлар бошқа йирик турнирларда ўзларини кўрсатишади.
Мен Дик Адвоккатга Россия терма жамоаси билан ишлагани учун катта раҳмат айтмоқчиман. Терманинг янги мураббийи? Орадан пича вақт ўтсин, биз ўз бисотимиздаги фамилияларни эълон қиламиз. Тезроқ бир тўхтамга келишимиз талаб этиладики, бизни Жаҳон чемпионати саралаш цикли кутиб турибди.
Ким айбдор? Мен деб ҳисоблайверинг. Ахир жараён учун мен жавобгарман", — дея Фурсенконинг сўзларини келтиради Чемпионат.com.
