"Лестер" ҳимоячиси Рикарду Перейра жароҳати сабаб 6 ойни ўтказиб юборади. Тиббий кўрик натижасида унинг товонида жиддий жароҳат борлиги аниқланган, деб хабар беради Daily Mail.
28 ёшли португалиялик аллақачон операция қилинган. Перейра "Севилья"га қарши мавсумолди ўйинида жароҳат олган эди.
“Афсуски, Рикарду Перейра олти ойга сафдан чиқди. У ўзининг товонини шикастлади, бу жуда ачинарли, чунки биз бу ёзда ўйинимизни қанот ҳимоячилари ва айниқса унинг атрофида қурган эдик. Бу биз учун катта зарба”, - дейди “Лестер” бош мураббийи Брендан Рожерс.
28 ёшли португалиялик футболчи 2018 йилдан буён “Лестер Сити” сафида тўп тепади. У "Порту"дан 22 миллион евро эвазига келганди.