Хорватия терма жамоаси бош мураббийи Славен Билич, 18 июнь куни Испания терма жамоасига қарши муҳим баҳс олдидан ўз фикрини билдириб ўтар экан, бу ўйин ҳеч қандай келишувларсиз ўтишини ва матбуотда билдирилаётган таҳминлардан ҳафа эканлигини айтиб ўтди.

Эслатиб ўтамиз, ушбу ўйинда ҳар иккала терма жамоани ҳам 2:2 ҳисобидаги дуранг натижа қониқтиради. Бу натижа ҳар иккала терма жамоани ҳам кейинги босқичга олиб чиқади. Айнан шунинг учун ҳам, турли жойларда бу ҳақида тез тез муҳокамалар, турли таҳминлар янграётган эди. Кеча Испания терма жамоаси бош мураббийи Висенте Дель Боске бу ҳақда қаттиқ қарши фикр билдирган эди. Бугун эса хорватлар устози Славен Билич ҳам бунга ўз муносабатини билдирди.

"Мен сизларга ваъда бераман, мен ҳам, менинг шогирдларим ҳам ҳақиқий профессионал спортчилардир. Бизнинг ҳаёлимизга бундай нарса келиши мумкин эмас, ҳеч қачон!"

"Бизнинг испанлар билан 2:2 ҳисобида ўйнашимизни таҳмин қилаётганлар ва тинмасдан шу гапни айтаётганлар мени, футболчиларни ва умуман миллатимизни ҳақорат қилишаяпти. Биз хорватлармиз ва бундан фахрланамиз"

"2:2 ҳисоби оддий, бошқаларидан ажралиб турмайдиган ҳисоб. Аммо, тўғриси, Италиянинг ўрнида бўлиб қолишни сизлар ўйлаганчалик орзу қилмаяпман. Улар ирландларни мағлуб этишлари шарт. Ирландия ҳам қараб турмайди, сабаби улар мусобақани учта мағлубият билан якунламаслик учун ҳам ҳаракат қилишади.