“Рома” ярим ҳимоячиси Жордан Верету “Марсель”га кўчиб ўтди, деб хабар беради француз клуби матбуот хизмати.
Олдинроқ ярим ҳимоячи "Марсель" билан яна бир мавсум узайтириш имконияти билан 2025 йилгача шартнома имзолагани ҳақида хабар берилганди.
Трансфер суммаси 11 миллион еврога баҳоланмоқда.
Ўтган мавсумда Верету Рим клуби сафида барча мусобақаларда 50 та ўйинда майдонга тушиб, 4 та гол урди ва 10 та голли узатмани амалга оширди.