"Манчестер Сити" чап қанот ҳимоячисини излашда давом этмоқда. “Шаҳарликлар” Марк Кукуреллья билан шартнома имзоламоқчи эди, бироқ испаниялик футболчи учун курашда Лондоннинг “Челси” жамоаси ғалаба қозонди.

Footmercato нашри хабарига кўра, "Шаҳарликлар" рўйхатида учта муқобил вариант бор: Серхи Гомес («Андерлехт»), Алехандро Гримальдо («Бенфика») ва Борна Соса («Штутгарт»).

Шу дам олиш кунлари Хосеп Гвардиола шогирдлари Англия Премьер-лигасининг янги мавсумидаги дастлабки учрашувини ўтказишади. “Шаҳарликлар” сафарда Лондоннинг “Вест Хэм” жамоаси билан тўқнаш келишади. Ўйин 7 август куни бўлиб ўтади.