Испания терма жамоаси яримҳимоячиси Хуан Мата фикрича, унинг жамоаси Евро-2012 гуруҳ босқичининг сўнгги ўйинида Хорватияга қарши фақат ғалаба учун ўйнайди, дея хабар беради испан матбуоти.
Эслатиб ўтамиз, 2:2 ҳисоби иккала терма жамоани ҳам кейинги босқичга олиб чиқади.
"Испания терма жамоаси ҳар доим ғалаба учун майдонга чиқади. Жамоа жуда яхши ҳолатда ва шунга яраша ўйин кўрсатади. ОАВ ва ишқибозлардан катта талаблар тушяпти, аммо биз бундан четдамиз. Хорватияга келсак, у етарли даражада кучли жамоа. Унинг бир қатор ўйинчиларини мен премьер-лигадаги ўйинларидан биламан", - дейди Мата.
