Мауро Икарди шахсий муаммолари туфайли "ПСЖ"нинг Франция чемпионатининг очилиш ўйинида иштирок этадиган таркибига киритилмади. Шу билан бирга, аргентиналик ҳужумчи Кристоф Галтьенинг Париждаги лойиҳасига киритилмагани ҳақида миш-мишлар фаол тарқалмоқда.
Яқин келажакда Мауро Икарди Италия А сериясига қайтиши мумкин. Calciomercato хабарига кўра, 29 ёшли ҳужумчига икки клуб қизиқиш билдирмоқда. Гап топ-клублар ҳақида эмас, “Сампдория” ва “Монца” ҳақида кетмоқда. Яқин орада Икарди келажаги борасида бир қарорга келиши керак.
Нуфузли портал экспертлари Мауро Икардини 22 миллион еврога баҳоламоқда.
