“Саутгемптон” Англия премьер-лигасининг янги мавсумидаги илк ўйинини ажойиб бошлади – “авлиёлар” “Тоттенхэм” билан ўйиннинг ўн иккинчи дақиқасидаёқ гол уришди. Аммо якунда Лондон клуби тўртта гол билан жавоб қайтарди ва йирик ғалабага эришди. "Саутгемптон" бош мураббийи Ральф Хазенхюттль бу натижани табиий деб ҳисоблайди.
"Ўйиннинг иккинчи бўлими классдаги фарқни кўрсатди. Улар чемпионлик, Чемпионлар лигасидаги ўринга даъво қилмоқдалар, биз эса ҳар бир очко учун курашамиз. Бундай рақиблар ҳар бир хато учун жазолайди, бугун айнан шундай бўлди", дея Ҳасенҳюттлдан иқтибос келтиради BBC Sport.
Кейинги турда “Саутгемптон” ўз майдонида “Лидс”ни қабул қилади.
