Москванинг "Спартак" клуби собиқ футболчиси Валерий Рейнгольд Россия термаси сардори Андрей Аршавин ҳақида ёмон фикрда эканлигини билдирди.

"Мухлислар унинг ўйинини кўрамиз деб келишган эди. У эса, нима, футболда қоматини кўрсатмоқчи эдими? Майдонга чиқ ва терла. Бунинг ўрнига у мухлисларни ҳақорат қилибди. У майдонда ҳам ўзини шундай тутди ва шундай ўйнади.  У аввал ўзининг тайёргарлигига эътибор қаратса бўлар эди. Умуман олганда у нега ўйнагани келди? Аҳмоқ қилиш учунми? Бутун Россиядан ишқибозлар термани қўллагани келишди, улар эса бизга бундай совға қилишди.

Аршавин - ҳаддидан ошган безбет ва сурбет одам. Унинг қилиқларини терма жамоада кўтарадилар. Агар Виктор Понедельникдай мураббий бўлганда борми, унинг кетига бир тепиб, ўша "Арсенал"игами, қаерда ўйнаса, ўша ерга юборган бўлар эди. У майдонда терлашни истамайдиган ва  эркаланиб кетган йигитчадир. Меҳнат қилишни истамайдиган футболчи - футболчи эмас", - дейди Рейнгольд "Чемпионат.com" мухбири билан суҳбатда.