"Барселона", "Пари Сен-Жермен" ва "Манчестер Сити" уч томонлама трансфер шартномасини амалга ошириши мумкин.
Инсайдер Жерар Ромеронинг хабар беришича, Каталония клубини сотмоқчи бўлган ярим ҳимоячи Френки де Йонг фаолиятини Парижда давом эттириши мумкин.
Бу ҳолда "ПСЖ" Марко Верраттини инглиз жамоасига қўйиб юборади, "Сити" эса ўз навбатида Бернарду Силвани "Барса"га сотади.
Аввалроқ Бернарду ёзда "Барселона"га ўтишга қизиқаётгани ҳақида хабар берилганди.
Верраттига келсак, бу мавсум оралиғида унинг "ПСЖ'ни тарк этиши ҳақидаги биринчи жиддий миш-миш. Бир кун аввал италиялик футболчи Лига 1 1-туридан ўрин олган “Клермон” билан ўйинда (5:0) 82 дақиқа, ундан олдин эса “Нант”га қарши (4:0) Франция Суперкубоги учун ўйинда 78 дақиқа ҳаракат қилганди.
