Украина терма жамоаси мураббийлар штаби Англия термаси билан бўладиган ўйиндан аввал бир муаммога дуч келишди, деб ёзади espn.co.uk сайти. Гап шундаки, бугунги ўтказилган машғулотларда терма жамоа сардори Андрей Шевченко тиззасидаги оғриқ сабабли машғулотларда иштирок этмаган.

35 ёшли ҳужумчи гуруҳ баҳслари доирасида ўтказилган учрашувларнинг ҳар иккаласида ҳам тиззасига зарба қабул қилиб олган.

Украина футбол федерацияси матбуот хизмати вакилига кўра унинг Англия билан ҳал қилувчи ўйинда майдонга тушиши сўроқ остида қолмоқда: "Андрей Швецияга қарши баҳснинг иккинчи бўлимида тиззасига зарба қабул қилиб олди ва Франция билан баҳсда ҳам худди шундай ҳолат такрорланди. У бугунги машғулотларда иштирок этмади ва айтишим мукинки унинг сешанба кунги баҳсда майдонга тушиши шубҳа остида. У бугун шифокор кўригидан ўтади ва муолажа олади. Биз унинг майдонга қайтишни ҳоҳлаяпмиз, лекин такрор айтаман, унинг майдонга тушиши сўроқ остида қолмоқда."