Ярим ҳимоячи Фабиан Руис "Наполи"дан "ПСЖ"га ўтишга яқин турибди.
Француз клуби 26 ёшли футболчи билан шартнома шартларини келишиб олди, дея хабар беради журналист Фабрицио Романо.
"ПСЖ" ва "Наполи"нинг трансфери бўйича келишувга эришиш учун баъзи тафсилотларни ҳал қилиш керак. Париж клубининг спорт бўйича маслаҳатчиси Луис Кампос 2023 йилнинг ёзида Мадрид клуби текинга ўз сафига қўшиб олмоқчи бўлган испаниялик учун "Реал"ни мағлуб этишга қарор қилди.
Бундан ташқари, "ПСЖ" ва "Наполи" дарвозабон Кейлор Наваснинг трансфери устида ишламоқда.
Парижликлар ярим ҳимоячи учун қарийб 25 миллион евро тўлаши хабар қилинганди.
Ўтган мавсумда испаниялик футболчи “Наполи” сафида 38 та ўйинда майдонга тушиб, 7 та гол урди ва 5 та голли узатмани амалга оширди.
