"Сельта" клуби "Рома" ҳужумчиси Карлес Пересни ижарага олганини эълон қилди. Шартнома 2022/23 йилги мавсум охиригача амал қилади.
Испания клуби 24 ёшли ҳужумчини 10-12 миллион еврога сотиб олиш имкониятига эга бўлади.
Ўтган мавсумда Перес "Рома" сафида барча мусобақаларда 28 ўйинда майдонга тушиб, 3 та гол урди ва 1 та голли узатмани амалга оширди. Transfermarkt.com портали испаниялик футболчининг нархини 6 миллион еврога баҳоламоқда.