"Байер" Донецкнинг "Шахтёр" клуби ва Украина терма жамоаси ярим ҳимоячиси Михаил Мудрикни сотиб олмайди.
Хабарларга кўра, немис клуби футболчини трансфер қилишдан бош тортган, чунки украиналиклар доимий равишда шартларни ўзгартирган. Аввалроқ, "доричилар" футболчи учун тахминан 20 миллион евро тўлаши мумкинлиги ҳақида хабар берилганди.
Ўтган мавсумда 20 ёшли Мудрик “Шахтёр” сафида барча турнирлар доирасида 19 та ўйинда майдонга тушиб, 2 та гол урди ва 9 та голли узатмани амалга оширди. Унинг клуб билан шартномаси 2026 йилнинг 31 декабригача амал қилади.
