Португалиялик ярим ҳимоячи Гонcалу Гуэдеш Испания Ла Лигасини Англия Премьер-лигасига алмаштирди.
25 ёшли вингер "Валенсия"дан "Вулверхэмптон" жамоасига кўчиб ўтди, деб хабар бермоқда "кўршапалаклар" расмий сайти. Трансфер тафсилотлари, шунингдек, ярим ҳимоячининг янги клуби билан шахсий шартномаси шартлари ҳозирча номаълум.
Аввалроқ инглиз матбуотида футболчининг трансферидан "бўрилар" 32 миллион евро ишлаб олмоқчи эканлигини айтилганди.
"Бенфика" ва "ПСЖ"нинг собиқ футболчиси Гуэдеш 2017 йилда "Валенсия"га кўчиб ўтганди. Испания чемпионатининг сўнгги мавсумида Гонсалу 36 та ўйин ўтказиб, 11 та гол урди ва 6 та голли узатмани амалга оширди.
