"Интер" ҳимоячиси Милан Шкриньяр ҳамон "ПСЖ" қизиқишлари доирасида, дея хабар беради Sempre Inter Sportmediaset нашрига таяниб.
Клублар ўртасидаги алоқалар июль ойи охирида қайта тикланди. Парижликлар 60 миллион евро эвазига трансфер бўйича келишиб олиш учун воситачиларни юборишди. Аввалроқ "ПСЖ" 70 миллион евро тўлашдан бош тортгани ҳақида маълумот пайдо бўлганди, бошқа манбалар эса 50 миллион еврони маълум қилмоқда.
Шкриньяр 2017 йилдан буён "Интер"да ўйнаб келмоқда. Ўтган мавсумда у 48 та ўйинда 4 та гол урган.