Португалиялик ярим ҳимоячи Бернарду Силва "Манчестер Сити"дан "Барселона" клубига ўтишга яқин турибди. City Xtra хабарига кўра, томонлар музокара олиб боришган ва футболчининг трансфери нархи бўйича келишиб олган.
Манбага кўра, Бернардунинг трансфери "кўк-анорранглилар" раҳбариятига 80 миллион еврога тушади. Силванинг ўзи ҳам анчадан бери "Камп Ноу"га ўтишни орзу қилаётганди.
Шу билан бирга, агар "Барселона" Френки де Йонгни сотса, португалиялик футболчининг трансферини амалга ошириш мумкин бўлади. Футболчига Лондоннинг "Челси" ва "Манчестер Юнайтед" клублари даъвогарлик қилишмоқда.
28 ёшли Силва 2017 йилнинг июлидан буён «Сити» сафида тўп суради. Унинг инглиз клуби билан шартномаси 2024/2025 йилги мавсум охиригача амал қилади.
