Бугун Финляндияда Мадрид клуби 2022/23 йилги мавсумдаги илк клуб кубоги учун "Айнтрахт" билан ўйнайди.
"Реал Мадрид" тарихида саккизинчи марта УEФА Суперкубоги учун ўйнайди. Финалларнинг умумий сони бўйича 2002, 2014, 2016 ва 2017-йилларда кубокни қўлга киритган мадридликлар “Милан”ни қувиб ўтиб, иккинчи ўринни эгаллаши мумкин. "Айнтрахт" билан ўйинда муваффақият қозонган тақдирда эса "Қироллик клуби" умумий ғалабалар сони бўйича турнир рекордини ҳам такрорлайди. “Милан” ва “Барселона” беш мартадан Суперкубокни қўлга киритган.
Карло Анчелотти иккинчи марта Суперкубок баҳсида "Реал"ни бошқаради. Италияликнинг биринчи уриниши муваффақиятли чиққан. Саккиз йил аввал “Реал Мадрид” “Севилья”ни минимал ҳисобда мағлуб этганди. Зинедин Зидан мадридликлар билан икки марта, яна бир марта эса Висенте дел Боске билан кубокни қўлга киритди. Мағлубиятлар Висенте дел Боске, Гус Хиддинк ва Хулен Лопетеги жамоани бошқарган йилларга тўғри келади.
"Милан" билан ҳам суперкубокни қўлга киритган Анчелотти бугун ўз номини тарихга ёзиб қўйиши мумкин. Гап шундаки, бирорта мураббий тўрт марта кубокни ўзлаштира олмади. Ҳозиргача фақат Алекс Фергюсон ўз фаолиятида тўртта финалда жамоаси билан ўйнаган. Аммо шотландиялик бор-йўғи иккита Суперкубокни қўлга киритган бўлса, Анчелотти ва Пеп Гвардиолалар учтадан ғалаба қозонишган.
"Реал Мадрид"нинг рақиби "Айнтрахт" клуби анъанавий тарзда Суперкубок ўйинларида ёмон ўйнайдиган Германия шарафини ҳимоя қилади. 2013-йилгача немислар еттита финалда етти марта омадсизликка учраган. Кейинчалик "Бавария" статистикани бироз тўғирлади. Ва ўшанда ҳам Мюнхенга "Севилья"ни мағлуб этиш учун қўшимча 30 дақиқа керак бўлди ва "Челси" фақат пенальтилар сериясида таслим бўлди.
Франкфуртнинг “Айнтрахт” клуби 21-асрда Суперкубокнинг тўққизинчи дебютантидир. Франкфурт биринчи уринишдаёқ кубокни қўлга кирита олган "Севилья", "Зенит" ёки "Атлетико"дан ўрнак олиши керак.
