"Манчестер Юнайтед" клуби "Ювентус" ярим ҳимоячиси Адриен Рабьо билан шартнома борасида келиша олмаяпти, деб хабар беради Get Football News.
Аввалроқ, "Манчестер Юнайтед" 27 ёшли франциялик футболчининг трансфери борасида "Ювентус" билан келишиб олгани ҳақида хабар берилганди.
Манбага кўра, шахсий келишув шартларини муҳокама қилишда муаммолар юзага келган. Ярим ҳимоячининг онаси ва агенти Вероника манкунианликлар клубидан йилига 10 миллион евродан ортиқ маош билан уч йиллик шартнома талаб қилмоқда. У шунингдек, “қизил иблислар”нинг Чемпионлар лигасида ўйнаши учун кафолат олишни истайди.
Ушбу талаблар билан боғлиқ ҳолда, битимни қайта ишлаш секинлашди.
Ўтган мавсумда Рабьо туринликлар сафида барча мусобақаларда 45 та ўйинда 2 та голли узатмани амалга оширган. Унинг клуб билан шартномаси 2023 йилнинг 30 июнига қадар амал қилади.
