"Челси" ҳимоячиси Маланг Сарр "Монако" клуби учун тиббий кўрикдан ўтди. Тез орада франциялик футболчи "Монако" клубига ўтиши эълон қилинади. Бу ҳақда журналист Фабрицио Романо ўзининг ижтимоий тармоқларида эълон қилди.
Битим 15 миллион еврога сотиб олиш опцияси билан бир йиллик ижара асосида амалга оширилмоқда. Агар футболчи Франция чемпионатида маълум миқдордаги ўйинларда иштирок этса, бу мажбурий ҳолга айланиши мумкин.
Сарр аввал Лига 1да "Ницца" сафида ўйнаган. Айнан шу клубдан ҳимоячи 2020 йилнинг ёзида эркин агент сифатида "Челси" сафига қўшилган эди.
Эслатиб ўтамиз, Сарр ҳимоянинг марказида ҳам, чап қанотида ҳам ўйнай олади.
