Мадриднинг “Реал” клуби 62 йил ичида илк бор Франкфуртнинг “Айнтрахт”ига қарши майдонга тушади. 10-август, чоршанба куни жамоалар УЕФА Суперкубоги учун кураш олиб бориш учун Хелсинкида жам бўлишади.

УЕФА Суперкубоги учун кимлар курашади?
УЕФА Чемпионлар лигаси ғолиби "Реал Мадрид" янги Европа мавсумининг анъанавий очилиши доирасида УЕФА Европа лигаси ғолиби "Айнтрахт" билан тўқнаш келади.

Бу 1960 йилги Европа кубоги финалидан буён жамоалар ўртасидаги биринчи рақобатли учрашув бўлади, ўшанда Мадриднинг "Реал" клуби Глазгодаги “Хемпден Парк”да Франкфуртни 7:3 ҳисобида мағлуб этиб, кетма-кет бешинчи марта турнир ғолиби бўлган. Реал таркибида Альфредо Ди Стефано 3 та, Ференц Пушкаш эса 4 та гол. Франкфурт таркибида Ричард Кресс ҳисобни очади, иккинчи таймда эса Эрвин Штайн немислар сафида 2 та гол уради.

УЕФА Суперкубоги қаерда ўтказилади?
2022 йилги УЕФА Суперкубоги Хелсинкидаги Олимпия стадионида бўлиб ўтади. Ушбу стадион УЕФА Суперкубоги учун ўнинчи маскан бўлади, аввалги ўйинлар узоқ вақт давомида Монакода ўтказилиб, кейинчалик Прага (2013), Кардифф (2014), Тбилиси (2015), Трондхайм (2016), Скопе (2017), Таллин (2018), Истанбул (2019), Будапешт (2020) ва Белфаст (2021) шаҳарларида бўлиб ўтган.

Учрашув ҳаками ким?
УЕФА ҳакамлар қўмитаси британиялик Майкл Оливерни учрашувни бошқаришга тайинлади. 37 ёшли мутахассис 2012 йилдан буён халқаро мусобақаларда ҳакамлик қилади ва мунтазам равишда УЕФА клуб даражасидаги ва халқаро ўйинларни бошқариб боради. У ЕВРО-2020 да учта ўйинни бошқарган.

Санжар Маҳмудхонов.