Madridning “Real” klubi 62 yil ichida ilk bor Frankfurtning “Ayntraxt”iga qarshi maydonga tushadi. 10-avgust, chorshanba kuni jamoalar UEFA Superkubogi uchun kurash olib borish uchun Xelsinkida jam bo‘lishadi.

UEFA Superkubogi uchun kimlar kurashadi?
UEFA Chempionlar ligasi g‘olibi "Real Madrid" yangi Yevropa mavsumining an’anaviy ochilishi doirasida UEFA Yevropa ligasi g‘olibi "Ayntraxt" bilan to‘qnash keladi.

Bu 1960 yilgi Yevropa kubogi finalidan buyon jamoalar o‘rtasidagi birinchi raqobatli uchrashuv bo‘ladi, o‘shanda Madridning "Real" klubi Glazgodagi “Xempden Park”da Frankfurtni 7:3 hisobida mag‘lub etib, ketma-ket beshinchi marta turnir g‘olibi bo‘lgan. Real tarkibida Alfredo Di Stefano 3 ta, Ferens Pushkash esa 4 ta gol. Frankfurt tarkibida Richard Kress hisobni ochadi, ikkinchi taymda esa Ervin Shtayn nemislar safida 2 ta gol uradi.

UEFA Superkubogi qayerda o‘tkaziladi?
2022 yilgi UEFA Superkubogi Xelsinkidagi Olimpiya stadionida bo‘lib o‘tadi. Ushbu stadion UEFA Superkubogi uchun o‘ninchi maskan bo‘ladi, avvalgi o‘yinlar uzoq vaqt davomida Monakoda o‘tkazilib, keyinchalik Praga (2013), Kardiff (2014), Tbilisi (2015), Trondxaym (2016), Skope (2017), Tallin (2018), Istanbul (2019), Budapesht (2020) va Belfast (2021) shaharlarida bo‘lib o‘tgan.

Uchrashuv hakami kim?
UEFA hakamlar qo‘mitasi britaniyalik Maykl Oliverni uchrashuvni boshqarishga tayinladi. 37 yoshli mutaxassis 2012 yildan buyon xalqaro musobaqalarda hakamlik qiladi va muntazam ravishda UEFA klub darajasidagi va xalqaro o‘yinlarni boshqarib boradi. U EVRO-2020 da uchta o‘yinni boshqargan.

Sanjar Mahmudxonov.