"ПСЖ" собиқ дарвозабони Сальватор Сиригу "Наполи" билан шартнома имзолади, деб хабар бермоқда Италия клуби матбуот хизмати.
Дарвозабон неаполликлар билан яна бир йилга узайтириш опцияси билан бир йиллик шартнома тузди.
35 ёшли Сиригу ўтган мавсумни “Женоа” сафида ўтказди ва 36 ўйинда 59 та гол ўтказиб юборди ва 10 та ўйинда ўз дарвозаси дахлсизлигини сақлаб қолди.
Италиялик дарвозабон энг катта шон-шуҳратга "ПСЖ"даги ўйинлари туфайли эришган. Сиригу 2011 йилдан 2017 йилгача парижликлар шарафини ҳимоя қилган, жамоа билан тўрт марта Франция чемпионлигини қўлга киритган ва икки марта мамлакат кубоги соҳибига айланган.
