"Торино" ўзининг расмий сайти орқали Алексей Миранчукни ўз сафига қўшиб олганини эълон қилди.
"Буқалар" 26 ёшли россиялик ярим ҳимоячини 2022/2023 йилги мавсум учун "Аталанта"дан ижарага олди. Ижара муддати якунлангач, Турин клуби футболчининг ҳуқуқларини сотиб олиш имкониятига эга бўлади.
Алексей Миранчук “Аталанта”да 2020 йилнинг кузидан буён ўйнаб келаётганди. Бу вақт ичида россиялик футболчи А Серияда 44 та ўйин ўтказиб, 6 та гол урди ва 6 та голли узатмани амалга оширди.
ОАВ хабарига кўра, "Торино" Алексей Миранчукни 12 миллион еврога сотиб олиши мумкин.
Италия чемпионатининг 1-турида “Торино” 13 август куни меҳмонда “Монца” билан беллашади.
