Ҳужумчи Леу Баптистан Испания чемпионатига қайтди. "Альмерия" 29 ёшли бразилиялик билан 4 йиллик шартнома имзолаганини эълон қилди.

2021 йилнинг августидан бери Баптистан ўз ватанида "Сантос" сафида тўп тепаётган эди. Бразилия клуби сафида у 38 та ўйин ўтказиб, 7 та гол урди ва 2 та голли узатмани амалга оширди.

Баптистан аввалроқ Испанияда “Эспаньол”, “Райо Вальекано”, “Вильярреал”, “Бетис” ва “Атлетико” клубларида ўйнаган. У Ла Лиганинг 178 та учрашувида 34 та гол ва 23 та голли узатмани амалга оширган.

Transfermarkt портали бразилиялик ҳужумчининг нархини 1,5 миллион еврога баҳоламоқда.