"Манчестер Юнайтед" ҳужумчиси Криштиану Роналдунинг опаси Катя Авейру "Реал" президенти Флорентино Переснинг Криштиану ҳақида айтган гапларига жавоб қайтарди.
УЕФА Суперкубоги учун "Айнтрахт"га қарши ўйин олдидан мухлис Мадрид клуби раҳбаридан португалияликни клубга қайтариш имконияти ҳақида сўраганда Перес "Криштиану билан шартнома имзолайсизми? У 38 ёшда” - деб жавоб қайтарганди.
“У 38 ёшда, лекин ҳали ҳам икки метрдан баландроққа сакрай олади ва у ерда 3 дақиқа қолади. Унинг танасида ёғ йўқ. Ўзингни ҳурмат қил, чол, сен 75 ёшдасан...” - деб ёзди Авейру ижтимоий тармоқда.
Аввалроқ, 37 ёшли португалиялик (у 2023-йилнинг февралида 38 ёшга тўлади) "Манчестер Юнайтед"ни тарк этмоқчилиги, чунки у Чемпионлар лигасида ўйнайдиган жамоада ўйнашни хоҳлаётгани ҳақида хабар берилганди.
