Россия терма жамоасининг собиқ мураббийи Фабио Капелло россиялик ярим ҳимоячи Алексей Миранчукнинг "Торино"даги истиқболлари ҳақида ўз фикри билан ўртоқлашди.
"Миранчук асосий таркибдан жой олишга ва "Торино" етакчисига айланишга қодир. Умид қиламанки, Алексей А серияда муваффақият қозонади”, - дейди мутахассис.
Россиялик ярим ҳимоячи Турин клубига “Аталанта”дан ижарага олинганди. Томонлар ўртасидаги келишув 2022/2023 йилги мавсум охиригача мўлжалланган.
Миранчук ўтган мавсумда А Серияда 25 та ўйинда майдонга тушиб, 2 та гол ва 5 та голли узатмага муаллифлик қилган.
