"Манчестер Юнайтед" бош мураббийи Эрик тен Хаг клуб раҳбариятини "Челси" ярим ҳимоячиси Хаким Зиеш билан шартнома имзолашга кўндирмоқчи. Бу ҳақда Manchester Evening News нашри хабар бермоқда.
Қайд этилишича, "қизил иблислар" ҳам "Челси" футболчиси Тимо Вернерни қўлга киритишга ҳаракат қилган, бироқ немис футболчиси "Лейпциг" билан ҳаммасини келишиб олганди. Энди Тен Хаг ўзининг собиқ шогирди Зиеш билан яна яна бирга ишламоқчи.
Аввалроқ "Милан" хизматларидан бош тортган марокашлик футболчининг трансферига "Манчестер Юнайтед" раҳбарияти қаршилик қилмоқда. "Челси" Зиешни сотишга тайёр, аммо ярим ҳимоячи учун бошқа лигадан клуб топишни афзал кўрмоқда.