"Монако" "Зальцбург" ярим ҳимоячиси Моҳамед Камара билан шартнома имзоламоқчи ва икки клуб бир неча кунлик музокаралардан сўнг келишувга эришишга яқин, деб хабар беради L'Equipe.
22 ёшли малилик футболчи "Монако"да ёз бошида "Реал"га сотиб юборилган Орельен Тчуамени ўрнини эгаллайди.
Камара "Монако" билан узоқ муддатли, эҳтимол беш йиллик шартнома имзоламоқчи. Трансфер суммаси ҳақида хабар берилмаган.
Камара “Зальцбург” сафида 76 та ўйинда майдонга тушиб, 3 та гол урди ва 7 та голли узатмани амалга оширди.