"Monako" "Zalsburg" yarim himoyachisi Mohamed Kamara bilan shartnoma imzolamoqchi va ikki klub bir necha kunlik muzokaralardan so‘ng kelishuvga erishishga yaqin, deb xabar beradi L'Equipe.
22 yoshli malilik futbolchi "Monako"da yoz boshida "Real"ga sotib yuborilgan Orelyen Tchuameni o‘rnini egallaydi.
Kamara "Monako" bilan uzoq muddatli, ehtimol besh yillik shartnoma imzolamoqchi. Transfer summasi haqida xabar berilmagan.
Kamara “Zalsburg” safida 76 ta o‘yinda maydonga tushib, 3 ta gol urdi va 7 ta golli uzatmani amalga oshirdi.