"Ливерпуль" бош мураббийи Юрген Клопп "Фулхэм"га қарши АПЛнинг 1-турида омадсиз ўйин ўтказган ҳужумчи Роберто Фирминони қўллаб-қувватлади.
Эслатиб ўтамиз, бразилиялик футболчи ўрнига иккинчи бўлим бошида Дарвин Нуньес майдонга тушди ва у гол урди ҳамда голли узатмани амалга оширди.
“Фирмино биз учун жуда муҳим. "Фулхэм"га қарши ўйинда турли сабабларга кўра унинг энг яхши фазилатларини кўра олмадик. У унчалик яхши ўйнамади ва биз унинг муаммога дуч келганини кўрдик. Қолаверса, "Фулхэм" марказни бутунлай тўсиб қўйди", — деди Клопп матбуот анжуманида.
Эслатиб ўтамиз, Фирминога аввалроқ Туриннинг "Ювентус" клуби қизиқиш билдирганди, аммо бу трансфер мавсум оралиғида амалга ошмайдиганга ўхшайди.
