"Ювентус"нинг янги аъзоси Филип Костич Турин клубига ўтиши ҳақида фикр билдирди. 29 ёшли серб билан шартнома 2026 йилгача мўлжалланган.
"Ювентус"га "ҳа" дейиш осон. Мен бор кучимни бериб, қаттиқ меҳнат қилдим. Шу боис, ўйлайманки, “Юве”га ўтишга лойиқ эдим. Бундай клуб сизга қизиқиш билдирса, кетиш доим тўғри қарор бўлади.
Мен Душан [Влахович] билан аллақачон гаплашганман, унинг жамоада эканлигидан хурсандман. У энг яхши ҳужумчилардан бири, у билан бир жамоада ўйнаш жуда зўр", - дея Костич сўзларини келтиради Турин матбуот хизмати.
Костич 2018 йилдан бери "Айнтрахт"да ўйнаб келаётган эди. У жамоа сафида барча мусобақаларда 171 ўйинда майдонга тушиб, 33 гол урган ва 64 голга ассистентлик қилган.
