"Барселона" Испания чемпионатида иштирок этиш учун янги футболчиларни рўйхатдан ўтказишни бошлади.
Ла Лига расмий сайтида бугун тунда ҳимоячи Андреас Кристенсен, ярим ҳимоячилар Рафинья ва Франк Кессиэ, шунингдек, ҳужумчи Роберт Левандовски "кўк-анорранглилар" футболчиси сифатида рўйхатга олингани ҳақида маълумот пайдо бўлди.
Олдинроқ "Барса" "Райо Вальекано"га қарши Ла Лиганинг 1-тур учрашуви учун 5 нафар янги футболчидан 4 нафарини рўйхатдан ўтказиши ҳақида хабар берилганди.
Ла Лига Каталония клубининг тўртинчи иқтисодий дастагини фаоллаштиришини маъқуллади, бу эса унга жамоага янги келганларни рўйхатга олиш имконини берди.
Фақат ҳимоячи Жюль Кунде "Райо" билан ўйин учун қайдномадан четда қолади.
“Кўк-анорранглилар” бугун, 13 август куни “Райо Вальекано”ни қабул қилади.
