Испания термаси яримҳимоячиси Андреас Иньеста Евро-2012 мусобақасининг гуруҳ босқичи сўнги учрашувидан сўнг ўз фикрларини билдириб ўтди.
"Ўйин жудаям оғир кечди, биз кўп куч йўқотдик. Дастлаб тўп киритишимиз қийин бўлди, аммо биз курашда тўхтамадик ва якунда ғалаба қозондик".
"Қийинчиликларни енгиб ўтаяпмиз, бу жудаям яхши. Хорватларда ажойиб жамоа шакланган. Улар бизга анча бош оғриқ бўлишди".
"Гол урган вазиятимиз менга ёқди. Фабрегас тўпни менга жуда қулай тарзда етказиб берди. Ўз навбатида мен Навасни тўп билан таминладим. Ғалабага муносиб ўйин кўрсатдик", – дея Иньеста сўзларидан иқтибос келтиради УЕФА расмий сайти.
