Криштиану Роналду "Брентфорд" жамоасидан учралган мағлубиятдан кейин Эрик тен Хаг билан қўл бериб кўришмади.
"Манчестер Юнайтед" ҳужумчиси Криштиану Роналду "Брентфорд" жамоасига қарши бўлиб ўтган сафар учрашувидан (0:4) кейин бош мураббий Эрик тен Хаг билан қўл бериб кўришмади, деб хабар бермоқда Sport Bible.
Жеймс Робсон томонидан ижтимоий тармоққа жойланган кадрда Роналду ён чизиққа боришдан олдин кимдир билан сўз алмашаётгани кўрсатилган. Кейин Роналду Эрик тен Хагнинг ёнидан унга кўл бермасдан ўтиб кетди.
Бундан ташқари, Роналду қўллаб-қувватлаганликлари учун мухлисларга миннатдорчилик билдириш учун меҳмонлар трибунасига бормади.
