"Манчестер Сити" клуби "Арсенал" ҳимоячиси Киран Тирнини сотиб олмоқчи.

Daily Mail нашри хабарига кўра, "шаҳарликлар" нафақат "Андерлехт" ҳимоячиси Серхио Гомесни ўз сафига қўшиб олмоқчи, балки 25 ёшли "тўпчилар" футболчиси учун ҳам курашиб кўрмоқчи.

Қайд этилишича, Хосеп Гвардиола жамоаси ҳозирча шотландиялик учун расмий таклиф билан чиққани йўқ.

2022/23 йилги мавсумда Тирни Премьер-лигада "Арсенал" учун 2 та ўйин ўтказди ва самарали ҳаракатлари билан ажралиб турмади. Унинг клуб билан шартномаси 2026 йилнинг ёзига қадар мўлжалланган.

Transfermarkt портали футболчининг нархини 32 миллион еврога баҳоламоқда.