"Manchester Siti" klubi "Arsenal" himoyachisi Kiran Tirnini sotib olmoqchi.
Daily Mail nashri xabariga ko‘ra, "shaharliklar" nafaqat "Anderlext" himoyachisi Serxio Gomesni o‘z safiga qo‘shib olmoqchi, balki 25 yoshli "to‘pchilar" futbolchisi uchun ham kurashib ko‘rmoqchi.
Qayd etilishicha, Xosep Gvardiola jamoasi hozircha shotlandiyalik uchun rasmiy taklif bilan chiqqani yo‘q.
2022/23 yilgi mavsumda Tirni Premyer-ligada "Arsenal" uchun 2 ta o‘yin o‘tkazdi va samarali harakatlari bilan ajralib turmadi. Uning klub bilan shartnomasi 2026 yilning yoziga qadar mo‘ljallangan.
Transfermarkt portali futbolchining narxini 32 million yevroga baholamoqda.