"Ливерпуль" бош мураббийи Юрген Клопп "Барселона"нинг молиявий сиёсатини танқид қилди.
"Мен бу вазиятни турли сабабларга кўра тушунмаяпман. Биринчидан, мен молия бўйича мутахассис эмасман. Иккинчидан, агар пулим йўқ, бўлса, бошқа пул сарфламайман. Менинг кредит картам аллақачон икки марта ўғирланган, хайриятки, бу бир неча йил олдин эди.
Мен "Барса"даги вазиятга футбол мухлиси сифатида қарайман ва нима бўлаётганини тушунмаяпман. Мен футбол томоша қилган сўнгги бир неча ўн йилликларда бу ажойиб клуб эди ва умид қиламанки, улар буни яна уддалай оладилар", - дея Клоппнинг сўзларини келтиради Bild.
Февраль ойида "Барселона" ўтган йил охиридаги қарзи тахминан 1,2 миллиард еврони ташкил этгани ҳақида хабар берганди.
