Жорий йилнинг ёзида “Манчестер Сити”дан Лондоннинг “Арсенал” клубига кўчиб ўтган украиналик ҳимоячи Александр Зинченко жамоа ҳужумчиси Габриэль Жезус ҳақида фикр билдирди.
"Жесус - жаҳон даражасидаги футболчи, мен бунга шубҳа қилмайман. Мен ҳар сафар машғулотларда унинг ишини кузатиб, бунга амин бўламан. Габриэль кўплаб ўйинчилар учун намунадир. Гол уришга интиладиган ажойиб футболчи. У ҳеч қачон интилишда тўхтамайди", - деди украиналик футболчи Evening Standard билан суҳбатда.
"Канонирлар" бразилиялик ҳужумчини шу ёзда "Манчестер Сити"дан сотиб олганди. Англия Премьер-лигасининг жорий мавсумида Жезус иккита учрашувда иштирок этиб, иккита гол урди ва иккита голли узатмани амалга оширди.
