Қашқадарё футбол федерацияси, вилоят маданият ва спорт ишлари бошқармаси, “Камолот” ЁИҲ вилоят кенгаши билан ҳамкорликда жорий йилнинг 23-24 июнь кунлари Қарши муҳандислик-иқтисодиёт институти биноси залида ўзбек футболининг 100 йиллик юбилейи ҳамда Ўзбекистон Республикаси мустақиллигининг 21 йиллиги муносабати билан вилоятдаги спорт турлари бўйича федерациялар ўртасида гиёхвандлик, диний экстремизм ва терроризмга қарши кураш, воҳада футбол турини янада ривожлантириш, федерациялар ўртасида дўстона иш олиб боришни жадаллаштириш, уларни жисмоний соғломлаштириш мақсадида байрамона мини футбол шоу ўтказилади.
Мусобақада вилоят маданият ва спорт ишлари бошқармаси, “Камолот” ЁИХ вилоят кенгаши, спорт турлари буйича федерация ходимлари иштирок этадилар.
Мусобака ғолиблари вилоят футбол федерациясининг рамзий кўчма кубоги, вилоят маданият ва спорт ишлари бошқармаси, “Камолот” ЁИХ вилоят кенгаши “Фахрий ёрлиқ”лари ҳамда болалар спортини ривожлантириш жамғармаси вилоят бўлимининг эсталик совғалари билан такдирланади.
Мазкур мусобақа вилоят оммавий ахборот воситалари орқали кенг ёритилиши кузда тутилган.
Шунингдек, мазкур мини-футбол шоунинг очилиш ва ёпилиш маросимларини тантанали ўтказиш мақсадида бадиий ҳаваскорлик дасталари ижросида чиқишлар қилинади.
