«ПСЖ» ҳужумчиси Мауро Икарди фаолиятини Туркияда давом эттириши мумкин.
Аргентиналик футболчи мураббийлар штаби ва клуб раҳбарияти режаларига киритилмагани учун “ПСЖ”дан аллақачон четлаштирилди.
Яқинда ҳужумчи ўзига жиддий қизиқиш билдирган "Монца"га ўтмаслиги маълум бўлди, аммо энди 29 ёшли футболчига янги даъвогарлар пайдо бўлди.
La Gazzetta dello Sport хабарига кўра, Туркиянинг "Галатасарой" ва "Фенербахче" клублари Икардини қўлга киритиш ниятида.
«ПСЖ» ҳужумчини ижарага олиш масаласини муҳокама қилишга тайёр, бироқ шартномага 20-25 миллион евро миқдоридаги мажбурий сотиб олиш бандини киритмоқчи.
Мауро Икарди парижликлар сафида 92 та ўйин ўтказиб, 38 та гол урган.
